ناڕەزایەتی حەماس لە بەرامبەر بۆردومانکردنی نەخۆشخانەی ئەندۆنیزیا
13 oC
13 oC
Güneşli
13 oC
Güneşli
حەماس ناڕەزایەتی دەربڕی لە بەرامبەر بۆردومانکردنی نەخۆشخانەی ئەندۆنیزیا لە لایەن رژێمی داگیرکەری سەهیۆنی.
سەهیۆنییەکانی داگیرکەر کە ناتوانن شوێنی کەتائیبی قەسام بدۆزن و نازانن کە تۆنێلەکان لە کوێن ئەم درۆیەیان بڵاو کردوون کە تۆنێلەکان لە ژێر نەخۆشخانەکاندانە. بەم بەهانەیە دەستی بە هێرش سەر نەخۆشخانەکان کردووە.
سەهیۆنییەکان کە نەیانتوانی لە نەخۆشخانەی شیفا شتێک بدۆزن دەستیان بە بۆردومانکردنی نەخۆشخانەکە کرد.
سەهیۆنیەکانی داگیرکەر کە بێ راوەستان بەردەوامن لە هێرش ئەم جارە نەخۆشخانەی ئەندۆنیزیایان بۆردومان کرد کە تاکە نەخۆشخانە لە باکووری کەناری غەززەی بوو.
حەماس کاردانەوەی بەرامبەر بەم دۆخە دەربڕی و لە بەیاننامەکەیدا رایگەیاند کە سەهیۆنییە داگیرکەرەکان نەخۆشخانەی ئەندۆنیزیایان بۆردومان و گەمارۆدا کە تاوانێکە کە پێویستی بە دەستێوەردانی نێودەوڵەتی هەیە بۆ پاراستنی دوا دامەزراوەی تەندروستی کە لە باکووری غەززە کاردەکات و دواتر هاتووە، "لە درێژەی سیاسەتی داگیرکەری بۆ لەناوبردنی کەرتی تەندروستی، لە چوارچێوەی هەوڵەکانیدا بۆ جێبەجێکردنی تاوانی ئاوارەکردنی زۆرەملێی فەلەستینییەکان لە ژێر قورسایی بۆردومان و کۆمەڵکوژی و لەناوبردنی پێکهاتە مەدەنییەکان.
ئەم دوژمنە بکوژە، خاڵی لە هەموو بەها مرۆییەکان، خەریکی گەمارۆدان و بۆردومانی نەخۆشخانەکان لە بەردەم هەموو جیهاندایە. ئەمڕۆ هەوڵ دەدات تاکە نەخۆشخانەی کارا لە باکووری کەرتی غەززە دوای ڕاگرتنی کارەکانی لە ڕێگەی چەک و بۆردومانەوە لەناو ببات. ئەمەش پێویستی بە کۆمەڵگەی نێودەوڵەتی هەیە کە هەڵوێستێکی ڕوون لە بەرژەوەندی بەها مرۆییەکان و یاسا نێودەوڵەتییەکان لە نەخۆشخانەکانی دیکەدا بگرێتەبەر، بۆ وەستاندنی ئەو کۆمەڵکوژییەی داهاتوو کە داگیرکەران بەنیازە لە نەخۆشخانەی ئەندۆنیزیا ئەنجامی بدەن و هەموو پێشێلکارییە ئاشکراکان بوەستێنن."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
سوپای رژێمی داگیرکەری سەهیۆنی هاوکات لەگەڵ پێشڕەویی زەمینی، بەردەوامە لە بۆردوومانی چڕی ئاسمانی و زەمینی و فڕۆکە، درۆن، تانک، زرێپۆش و کەرەستەی ئەندازیاری بۆ وێرانکردنی هەر شتێک لەسەر ڕێگەی بێت، بەکاردەهێنێت.
هێزی زەمینی سوپای ئێران پەردەی لەسەر ڕۆبۆتێکی سەربازی پێشکەوتوو بە ناوی "ئاریا" لادا.
ئیلیاس کوڕی ئەسیر دکتۆر حیسام ئەبو سەفیە، ڕایگەیاند کە پارێزەرەکەی دوای چاوپێکەوتن لەگەڵ باوکی لە زیندانی عۆفەر، هەواڵی ئەوەی پێداوە کە زیاتر لە ٣٠ کیلۆگرام لە کێشی خۆی دابەزاندووە.
رژێمی داگیرکەری سەهیۆنی ئەمڕۆ بەیانی هێرشەکانی بۆ سەر غەززە چڕتر کردووە و لە ئەنجامی هێرشەکاندا لانیکەم ٤٣ کەس شەهید بوون و دەیان کەسیش بریندار بوون.
